| 2008.10.11 今天是非常超級愉快的一天 原本今天是要上班的，誰知峰迴路轉 昨晚媽媽突然跟我說，你明天不用回公司了 嘩！十萬個開心，幸運的星期六！！！ 今早起個大早， 為我跟 Karmen 的超級星期六作準備 一點十五分我已到達時代 UA 原來我是不想再續會的 但想了一下，買票原來已要六十多元 現在只要付八十元續會，便有一張免費票 還有一堆優惠卷及買票九折優惠 於是，我就乖乖付上八十元續會了 然後便 join Karmen 一起排隊買【武俠梁祝】的票 買好票以後，就是醫肚之時 基於我們今晚會吃大餐，午餐還是從簡吧！ 我們去了吃一間水準不錯的麵食 二十多元吃個滿飽！呵呵呵呵 然後，還有個多小時，我們四處閒逛 但只限逛逛，因為………………….. 我們沒錢了！ 三時五十分，買好了爆谷汽水 進場去也！這套由吳尊、阿 Sa主演的【武俠梁祝】 嗯！不好不壞吧！頭半段是不錯的 特別是演草頭師叔的哈林，超惹笑！ 他的書面語，哈哈哈哈！傷寒，哈哈哈哈！ 但到了後半段，就變得不過不失了！ 看戲後，已經差不多六時了 距離我們大餐時間還有兩個多小時 於是又進入了閒逛階般！到了屈臣氏看鯊魚丸 又去了老行家，總之就是到處逛 很快兩個小時就過去了！ 進入今天的重頭戲 - 鴻星大閘蟹宴 鴻星今年推出了兩款大閘蟹套餐 一款每位$ 298，一款每位$398，基於吸引程度 我們冒著天天吃麵包的危險，選了 $398 餐 菜單： 1) 蟹粉小籠包 2) 雞燉翅 3) XO醬炒帶子 4) 大閘蟹三隻 5) 原隻鮑魚炆柚皮 6) 臘味糯米飯 7) 燕窩椰汁蛋白露 果然沒選錯！！！！！ 我們一坐下，先來一個拳頭大的橙黃色蟹粉小籠包 鮮甜、多汁、皮薄、熱辣辣的，好味 * 100 然後便是大閘蟹時間，每人三隻大閘蟹 兩公一母，每隻都有足五兩重，絕不欺場！ 還有還有，每隻大閘蟹的肚中都充滿了軟香的蟹膏 差點沒漏得滿桌都是！ 那盅雞燉翅，嘩！是我在大閘蟹以外最滿意之作 一大梭魚翅，一大隻雞腿肉，還有金華火腿！正！ 還有還有，那原隻鮑魚，雖然小小的，但很鮮甜 要讚的卻是那抽皮，比蓮香樓做的還要好吃 其他的都十分好吃， 連不吃椰子的 Karmen 都猛說甜品十分好吃 即連那杯薑茶也都是超水準的 我們從頭至尾都十分十分滿意 本來已經決定多捱一個月麵包，十二月再多吃一次 誰知這套餐只供應到十一月 十分失望地只好留待下年了！ 就是這樣，滿足的一天便完成了！ (這篇的書面語是跟草頭師叔學的！！！) |
| |
| 2008 年 5 月 7 日 超級無敵耐無係度打日記啦 不過我想都唔應該叫日記 叫月記就差唔多！ 唔知幾時開始， 我無左 upload xanga 的衝勁 可能因為真係日日都係咁過 唔係返學就返工，無野好寫啦 不過琴日睇返之前寫落的 xanga 原來好多野我都唔記得左啦 記低左的日記令我記返唔少野 哈哈，突然又燃起返我寫 xanga 的興致 琴日係 year 2 生涯要上堂的最後一日 今年完全係地獄年 超無敵爆多野做，最多野做係普通話囉 本來以為對埋佢今年就可以拜拜 點知......retake 1 個 semester 灰左！暫時就一個 sem，唔知會唔會變一年呢？ 希望千萬唔好呀，還望娥姐念在有進步 可以手下留情，留我一條全屍啦.......... 不過，我都已經再報考多次水平試 雖然今次合格，不過成績強差人意 希望我可以係暑假撥到時間預備下啦 話哂考過一次，完全知道要做咩囉 所以........希望我有時間啦...................... 近排有一個好耐無聯絡的朋友 主動同我聯絡返 唔.......感覺還算良好啦 不過想深一層，又對的 人越大，朋友就越少，要好好珍惜 仲計較些甚麼呢？ 而家好多野都唔會太去計較啦 人大左，想東西都成熟左 遲些六月中會同邱嘉琪去日本 而家個個星期六都上我度 努力搜集資料，好期待呀！！！ |
| |
| 好耐無係度打過日記啦 睇返以前的日記，我真係乜都可以係度打 而家就唔知再打咩係度好 我仲可以打咩係度呢？ |
| |
| 2008 年 1 月 24 日 今日去左睇牙，剝左一隻智慧齒 兼補左一隻蛀牙 唔知點解今次隻智慧齒點都唔肯出黎 搞左成半個鐘先剝到隻牙 痛到我眼淚都標哂出黎 但係我已經打左三枝麻醉針 十級的痛楚，而家麻醉過哂 個傷口完全痛到我想死！ 仲有一隻智慧齒要剝，唉..................... |
| |
